Please Update Your Browser.

फरक यत्ति छ आमा

कल्पना भण्डारी

फरक यत्ति छ आमा हिजो र आजमा
हिजो सन्तानले पेटमा लात्ताले नहान्दा दुखी हुन्थ्यौ
आज त्यही सन्तानले पेटमा लात्ताले हान्दा दुखी हुन्छ्यौ

फरक यत्ति छ आमा हिजो र आजमा
हिजो प्रसव पिडाको बेला उ नरुँदा दुखी हुन्थ्यौ
आज जिवन उत्तराद्र्धमा उ रोए दुखी हुन्छ्यौ

फरक यत्ति छ आमा हिजो र आजमा
हिजो ताते भन्दै हात समाउँदै हिंड्न सिकायौ
आज उ हिँडेरै तिमीबाट कोशौं टाढा गयो

फरक यत्ति छ आमा हिजो र आजमा
हिजो तोते बोलेर आमा शब्द सुन्दा विव्हल हुन्थ्यौ
आज त्यही शब्द सुन्न नपाएर विव्हल हुन्छ्यौ

फरक यत्ति छ आमा हिजो र आजमा
हिजो सन्तानको खातिर तिमी बाँच्थ्यौ
आज सन्तान अर्कैैको खातिर बाँच्दछ