Please Update Your Browser.

बोक्सी आरोपमा छोराबाटै घर निकाला भएकी आमा घर फर्किइन्

सिराहा । बोक्सी आरोपमा आफ्नै छोराहरुबाट घर निकालिएकी सिराहा कर्जन्हा नगरपालिका ७ की ८० वर्षीया वृद्धा खजनीदेवी कारकलाई आफ्नै फर्किएकी छिन् ।

उनका छोराहरुले अन्धविश्वासका कारण गल्ती भएको आईन्दा बोक्सी आरोप नलगाउने भन्दै छोराहरुले गल्ती स्वीकारेपछि उनी घर फर्किएकी हुन् ।

आफ्नै छ भाई छोराले बोक्सी आरोप लगाएर घर निकाला गरेको समाचार संचार माध्यममा आएपछि प्रहरीले ६ भाई छोराहरुलाई नै प्रहरीमा झिकाएको थियो ।

परिवारकाे साथमा खजनीदेवी

बोक्सी आरोप लाउनेलाई कारबाही हुने कुरा थाहा पाएपछि उनीहरुले ‘आमालाई हामी लालनपालन र औषधी उपचार सबै गर्छौं, सँगै राख्छौं ।’ भनेपछि वृद्धा आमाले छोराको कारण नभई आफु राजी खुशीले बाहिर बसेको प्रहरीलाई बताएकी थिईन् ।

छोरा बुहारी नाती नातिनीसँग बस्न पाए सबैभन्दा ठूलो खुसी मिल्ने, छोरा बुहारीले आमा भनेर बोलाईदिए मात्र पुग्ने वृद्धाको भनाई थियो ।
उनले छोराहरुले आफुलाई दुव्र्यवहार नगरेको डाक्टरको सल्लाह अनुसार राजी खुशीले बाहिर बसेको बताईन् ।

एक वर्षदेखि पारिवारिक अवहेलना र दुव्र्यवहारका कारण ८० वर्षीया आमालाई घर भन्दा बाहिर एक्लै बस्न बाध्य पार्ने छोरा, नाति र बुहारीहरूले गल्ती स्वीकार गरी आमालाई स्याहार सुसार गरेर घरमा परिवारको साथमा राख्ने प्रतिबद्धता गरेका छन् ।

ईलाका प्रहरी कार्यलय मिर्चैयाका डीएसपी दिपक खड्काले आफुहरुले दुई तीन चरणमा अनुसन्धान गर्दा बोक्सी आरोप लगाएर निकालेको कतैबाट नखुलेको बताए ।

वृद्धाले एउटा छोराले मात्र आफुलाई पालेको सबै छोराले आफुलाई हेरुन भन्ने ईच्छा भएको बताएपछि प्रहरी कार्यलयमा उनका छोराहरु र स्थानीय सहित छलफल गरी सहमति भएको डिएसपी खड्काले बताए ।

उनका अनुसार छ भाई छोराहरुले आमालाई दुईरदुई महिना छोराछोरी, नातिनातिनीसँगै परिवारमा राख्ने, औषधी उपचार गर्ने , लुगा कपडा दिने सहमति पछि उनी परिवारसँगै घर फर्किएकी हुन् ।