Please Update Your Browser.

बोलर जातका १४ बोका बितरण

सुनसरी । इटहरी उपमहानगरले बाख्रा पालक कृषकलाई बोयर जातका उन्नत बोका वितरण गरेको छ । नगरप्रमुख द्धारिकलाल चौधरीले एक कार्यक्रमका बीच नेपालमै उन्नत मानिने बोलर जातका १४ वटा बोका वितरण गरेका हुन् ।

करिव १० लाखको लागतमा चितवनवाट ल्याएर बोका वितरण गरिएको हो । प्रति बोका ५० हजार उपमहानगरको अनुदान र थप रकम कृषकको लगानी रहेको इटहरी उपमहानगर पशुपंक्षि विकास शाखा प्रमुख दुर्गाबहादुर श्रेष्ठले बताए ।

कृषकहरुलाई बोका वितरण कार्यक्रममा नगरप्रमुख द्धारिकलाल चौधरीले इटहरीलाई कृषिमा आत्मनिर्भर बनाउने सोच अनुरुप मासुमा आत्मनिर्भर बनाउन उन्नत जातका बोका बितरण गरिएको बताए । उनले कृषि क्षेत्रको व्यवसायीकरण र आधुनिकीकरणका लागि नगरपालिका लागि परेको बताए ।

वडा नम्वर १७ का अध्यक्ष भगवानलाल साहुले अव धान र गहुँ खेति गरेर मात्र नहुने कृषिलाई आधुनिकीकरण गर्नुपर्नेमा जोड दिए ।

इटहरी बोयर वाख्रा पालन समूहका अध्यक्ष राजु बस्नेतले स्थानीय सरकारले कृषकलाई उन्नत जातका बोका बितरण गरेर प्रशंसनीय कार्य गरेको बताए ।

सबैभन्दा नजिकको सरकारले यसरी कृषकलाई प्रोत्साहन गरेमा विदेश जानुपर्ने अवस्थाको अन्त्य हुने बताए ।