Please Update Your Browser.

नारालेमात्रै देश बन्दैनः सिभिल इन्जिनियर, बैभव पाण्डेय

नेपालको सबैभन्दा व्यस्त सडकको रुपमा परिचित नागढुङ्गा–नौबिसे सडक निर्माणको काम तोकिएको समय भन्दा दुइमहिना अगाडीनै सकेर हस्तान्तरण गरेपछि सिभिल इन्जिनियर, बैभव पाण्डेयले वाह वाह कमाए । आफुले जिम्मा लिएका हरेक निर्माणका काममा जिम्मेवार ढंगले खट्नु, टीममा मिलेर काम गर्नु र निर्धारित समयमा काम फत्ते गर्नु उनको पहिचान बन्दै गएको छ । टिकाउ, भरपर्दो र विश्वासिलो ढंगबाट निर्माणका कामगर्ने सिभिल इन्जिनियरका रुपमा परिचित बैभव पाण्डेयसँग कोसेलीन्यूजले सानै उमेरमा सबैको विश्वास जित्नेगरी काम गर्न सक्नुको रहस्य के हो ? भनेर सोधेको थियोः

पेसाप्रतिको इमान्दारि र देशप्रतिको जिम्मेवारीकाकारण जिम्मा लिएका हरेक काम मैले समय सीमाभित्रै सक्ने प्रण लिएको हुन्छ । जसअनुसार मेरो टीम र मैले अरुले प्रश्न गर्ने ठाउँनै नदिएर आफ्नो जिम्मेवारी बहन गर्ने कोसिस गरिरहेका हुन्छौ । कामगर्ने इच्छाशक्ति हुने हो भने असम्भव भन्ने केही छैन भन्ने कुरालाई मैले साबित गरेको हुँ ।

photo
बैभव पाण्डेय, सिभिल इन्जिनियर

नागढुङ्गा–नौबिसे सडक निर्माणको काम तोकिएको समयभन्दा अगाडीनै सक्नु भाको थियो ? त्यो कसरी सम्भव भयो ?

हो, वास्तवमा मलाई धेरैले सोधेको प्रश्न नै यही हो । मैले अघिपनि भनिसके, यदी हामी भित्र कुनै कुरा गर्छु भन्ने अठोट हुने हो भने, त्यो सबै सम्भव हुँदोरहेछ ।
सन् २०१४ मामैले यो सडक निर्माणका लागि कन्ट्रयाक्ट मेनेजरको जिम्मेवारी पाएको थियो । कामसुरु भएको मितिले १२ महिनाभित्र सक्नुपर्ने समय सीमा थियो । तर हामीले तोकिएको समय भन्दा दुइ महिना अगाडीनै अर्थात १० महिनामै काम पुरा गरेर हस्तान्तरण गरेका थियौं । उक्त सडक निर्माण गर्दा हाम्रो टीमले प्रधानमन्त्री कार्यालय, भौतिक पूर्वाधार तथा यातायात मन्त्रालय र सडक विभागसँग एकदमै राम्रो ढंगले सहकार्य र समन्वयन गर्यौं । छिटो, छरितो र भरपर्दो तरिकाले काम सम्पन्न गर्नकालागि योजना बनायौं र सोही अनुसार कामपनि गर्यौं । नेपालकै सबैभन्दा व्यस्त मानिने यो सडक निर्माणका दौरानमा राती ८ बजेदेखि बिहान ४ बजेसम्म त यातायातनै बन्द गरेका थियौं । जुन नेपालको इतिहासमा राती सडक बन्द गरेर काम गरेको यो पहिलो उदाहरण थियो । जसले गर्दा प्रोजेक्टलाई समय भन्दा अगाडी नै सक्न मद्यत पुग्यो ।

अहिले के मा व्यस्त हुुनुहुन्छ ?

नागढुङ्गा–नौबिसे सडक निर्माणको काम सकेपछि कलंकीदेखि कोटेश्वरसम्मको आठ लेनको सडक निर्माणमा प्लानिङ् एण्ड डिजाइन हाइवे इन्जिनियरको रुपमा कामगर्ने अवसर पाएँ । जसमा मेरो जिम्मेवारी पुलको लेआउट र डिजाइनको थियो । सडकका पुल (bridge) निर्माणको अवधी ६ महिनाको थियो । त्यो पनि समयमै सक्यौं । कलंकीदेखि कोटेश्वरसम्म बनेका ८ वटै पुलहरु सबै नयाँ टेक्नोलोजी अन्तरगत बनेका हुन् । व्यस्त सडकमा कम खर्च र छोटो समयमा यति थेरै पुलबन्नु पनि धेरैकालागि आश्चर्यनै थियो । कतिपयले यो काम ६ महिनाभित्र सकिदैन । समय कम हुन्छ पनि भनेका थिए । तर म र मेरो टीमले समयभित्रै कामगर्ने दृढटा देखाएपछि त्यो सम्भव भयो । हामीले समयमै काम सकेर ह्यान्ड ओभर गरेका छौं । पछिल्लो समयमा म शर्मा एण्ड कम्पनीमा प्लानिङ् एण्ड डिजाइन इन्जिनियरको रुपमा कार्यरत छु ।

के काम गर्छ शर्मा एण्ड कम्पनीले ?

यो नेपालमा ठूलो नाम कमाएको निर्माण कम्पनी हो । यसले नेपालको ठूल ठूला बिल्डिङ् बनाउने र सडक निर्माण गर्ने कामगर्दै आएको छ । नेपालको सबैभन्दा ठूलो बिल्डिङ् भएको अस्पताल मानिने ललितपुरको भैंसेपाटीमा रहेको अस्वीन मेडिकल कलेज लगायत नेपाल राष्ट्रिय वाणिज्य बैंक केन्द्रीयकार्यालय, सिंहदरबार, सेन्टर पार्क अपार्टमेन्ट विशालनगर जस्ता बिल्डिङ् बनाइसकेको कम्पनी हो यो । त्यस्तै नेपालकालागि ठूलो महत्व राख्ने व्यस्त सडकहरु बेलैया–वुटवलको ६ लेनको सडकपनि यसै कम्पनीले बनाएको हो । साथै अहिले अधिकार सम्पन्न बागमती अन्तरगत अक्टुबर २०१५ देखि बिष्णुमती कोरिडोरको B-2 प्याकेजको कामपनि यही कम्पनीले गरिरहेको छ । विष्णुमतीलाई ढल मुक्त बनाउनकालागि योप्रोजेक्ट सुरु भएको हो ।

यो बाहेक अरु के–के मा आवद्ध हुनुहुन्छ ?

म अमेरिकन सोसाइटी अफ सिभिल इन्जिनियर नेपालको कार्य समिति सदस्य पनि हुँ । यो बाहेक इजरायलको पीआरएस–निओवेभ कम्पनीसँग पनि प्लानिङ् एण्ड कन्ट्री रेप्रिजेन्टेटिभको रुपमा कार्यरत छु । यसले विश्वका ७५ देशमा ठूल ठूला सडक निर्माण गरिरहेको छ । साथै यो कम्पनी नेपालमा पनि कामगर्न इच्छुक देखिएकाले हामी यसलाई नेपालमा भित्र्याउन गृहकार्य गरिरहेका छौ ।

नेपालकै सबैभन्दा व्यस्त मानिने यो सडक निर्माणका दौरानमा राती ८ बजेदेखि बिहान ४ बजेसम्म त यातायातनै बन्द गरेका थियौं । जुन नेपालको इतिहासमा राती सडक बन्द गरेर काम गरेको यो पहिलो उदाहरण थियो । जसले गर्दा प्रोजेक्टलाई समय भन्दा अगाडी नै सक्न मद्यत पुग्यो ।

औपचारिक रुपमाकति पढ्नु भो ?

मैले नेपालइन्जिनियर कलेज, काठमाडौंबाट सन् २०१२ मास्नातक सकेपछि चमेलिया जलविधुत आयोजनामा कामगर्ने पहिलो अवसर पाएको थियो । नागढुङ्गा–नौबिसे सडक निर्माण, कलंकी–कोटेश्वर सडक निर्माणको जिम्मेवारी त्यसपछि मात्रै सम्हालेको हुँ । मेरो औपचारिक शिक्षा पुरा भएको छैन । अहिले कन्ट्रक्सन (construction) म्यानेजमेन्टमा स्नाकोत्तर गरिरहेको छु ।

अन्तमा ?

देश बनाउने हो भने अब युवा पुस्तालाई विदेश पलायन हुनबाट रोक्ने खालका योजनाहरु राज्यले ल्याउनुपर्छ र लागु गर्नुपर्छ । भविश्य खोज्न पराइको देश पुगेको युवा जमातलाई स्वदेश फर्केर पसिना बगाउन उत्साहित गर्न आवश्यक छ । युवालाई आफ्नै देशमा परिश्रम गर्नकालागि प्रोत्साहित गर्न सके नेपाल बन्न धेरै समय कुनु पर्दैन । त्यसकालागि हरेक युवालाई सिपयूक्त बनाइनुपर्छ । र त्यो सिप नेपालमै प्रयोग गर्न सकिने खालको पनि हुनुपर्दछ । युवाहरुले पनि राष्ट्र र राष्ट्रियताका खोक्रा नारामात्रै लाउनु भन्दा व्यापार व्यवसायमा सहभागि भइ आम्दानीका स्रोतहरु बढाउने तर्फ उन्मुख हुनुपर्छ । बिजनेस नै मुलुकको मुहार फेर्ने सबैभन्दा ठूलो कडी हो ।