काठमाडौं । विपक्षी तीन दलले सरकारसँग विभिन्न विषय समेटिएको नौबुँदे माग अघि सारेका छन्। बिहीबार सिंहदरबारमा बसेको बैठकमा नेपाली कांग्रेस, नेकपा (एमाले) र नेपाली कम्युनिस्ट पार्टी (नेकपा)का प्रतिनिधिहरूले संयुक्त रूपमा सरकारलाई ध्यानाकर्षण गराउँदै मागपत्र सार्वजनिक गरेका हुन्।
बैठकपछि जारी गरिएको विज्ञप्तिमा बजेट निर्माणको क्रममा विपक्षी दलका सुझावहरू बेवास्ता गरिएको आरोप लगाइएको छ। साथै, आगामी नीति तथा कार्यक्रममा सबै पक्षका सुझाव समेट्न सरकारसँग आग्रह गरिएको छ।
विज्ञप्तिमा सुकुम्वासी समस्या समाधान गर्दै उनीहरूका लागि सुरक्षित र व्यवस्थित बसोबासको व्यवस्था गर्न विशेष जोड दिइएको छ।
विज्ञप्तिमा एमाले राष्ट्रियसभा दलका नेता प्रेम दंगाल, कांग्रेस प्रमुख सचेतक बासना थापा र नेकपा प्रमुख सचेतक युवराज दुलालले हस्ताक्षर गरेका छन्।
विपक्षी दलहरूले अघि सारेका नौबुँदे मागहरू सार्वजनिक भइसकेका छन् र ती मागलाई सरकारले गम्भीरतापूर्वक लिनुपर्ने उनीहरूको भनाइ छ।
